الحب لو فيو يصير /زاهد عزت حرش
19/1/2016 14:46

 الحب لو فيو يصير
زاهد عزت حرش

.......
 
لَمَح صَدح

على عتبِة الباب وشَلَح

يا فَجر شّي انو صَبَح

يغْسِل عّتُوم الليل

بِنَسماتْ الفَرح

 

حلوي على عيونا الفِكر

جَّن وسَرَح

للشَوق، للحُب

اللي بَعدو ما انفضَح

حِلْمِت كأنها ماسكي

قرون الدهر

بجنونها، لما انطرَح

وبصدرها كمشت أمل

عن قلب بالحب انجرَح

كلمات كَسّرها الحنين

شي بالحِلم، شي باليقين

يا رقصة السكين

شو قلبا انذبح

كل ما يزيد الشوق

بِجن الحنين

وبتسألي.. شو صار

لو انو سمح

 

يا معودي ع الموت

ع موج السرير

بجمر الصبر حتى انكبح

يا بترتمي بالنار

يا بوجع الضمير

بصوت الندم لمن صَدح

يا بتطلعي لفوق

فوق الزمهرير

وبتدعسي كل شي

على خدودك لفح

 

لو تسمعي مني

يمكن بالأخير

تتعودي ع الصبر...

لعل ونجح

عيشي على غصون الحرير

شَكّلي الدنيا بألوان الفرح

غطي شفافك بالندي

بعطر العبير

بشطحات من قوس القزح

 

الحب لو فيو يصير

مثل الهوا

ما كان بالدني بعد

يا حلوتي

قلب انجرح

 

شفاعمرو 5.08.12
 
اضف تعليق
الاسم الشخصي :
البريد الالكتروني :
الموضوع :
التعليق :
حكمة اليوم
المرأة تضحك عندما تقدر، وتبكي عندما تريد.
جريدة الفجر الساطع
خبر في صورة